ഇടനാഴിയിലെങ്ങോ അവളുണ്ടാവും...
നിഴല്‍മേഘങ്ങള്‍ക്കിടയില്‍,
ആദ്യചുംബനത്തിന്‍റെ കനല്‍പ്പൊത്തുകളിലൊളിച്ച്..
കാല്പനികതയെ പ്രണയിച്ച്
കാല്‍പനികതയില്‍ ജീവിച്ച്...!
എന്‍റെ പ്രണയിനി...!
വെളുത്ത തുടകളിലെ നനുത്തമുടിയിഴകളില്‍
എന്‍റെ പ്രണയത്തെ വരിഞ്ഞുകെട്ടിയവള്‍..
മൌനത്തെ മിഴികളിലൊളിപ്പിച്ച്
വാചാലതയില്‍ പാതിയും പങ്കിട്ടവള്‍..
എന്നിട്ടും ഓര്‍ത്തെടുക്കുവാനാകാത്തത്
ഇന്നും നിന്‍റെ മുഖമാണല്ലോ...
സഖീ..അന്നാ ചുവന്നവെളിച്ചത്തിന്‍കീഴില്‍
നീ പര്‍ദ്ദയണിഞ്ഞിരുന്നില്ലല്ലോ...?
_______________________(പ്രിയദര്‍ശിനി പ്രിയ)
